ទីបញ្ជាការយោធារួមអាមេរិក-កូរ៉េខាងត្បូងរាយការណ៍ថា កងទ័ពកូរ៉េខាងត្បូង និងអាមេរិកនឹងធ្វើនាខែកុម្ភៈ នូវសមយុទ្ធយោធារួមដែលសំដៅពង្រឹងកិច្ចការពារ។ កងកម្លាំងសម្ព័ន្ធមិត្តគ្រោងធ្វើសមយុទ្ធដែលធ្វើត្រាប់ដូចការបង្កើតប៉ុស្តិ៍បញ្ជាការមួយដែលសមយុទ្ធនេះមានឈ្មោះថា “KEY RESOLVE” ព្រមទាំងសមយុទ្ធឯទៀតៗសំដៅឆ្លើយតបចំពោះការគំរាមកំហែងប្រឆាំងនឹងសន្តិសុខរបស់កូរ៉េខាងត្បូង ។ សមយុទ្ធទាំងនេះនឹងប្រព្រឹត្តទៅពីថ្ងៃទី២៧ កុម្ភៈ ដល់ថ្ងៃទី៩ មីនា ហើយនឹងប្រមូលផ្តុំទាហានកូរ៉េខាងត្បូង២០០.០០០នាក់ និងទាហានអាមេរិក២.១០០នាក់ ។
សមយុទ្ធជើងគោកមួយដែលស្ថិតក្នុងកម្មវិធីនេះដែរ មានឈ្មោះថា “FOAL EAGLE” ដែលនឹងធ្វើពីថ្ងៃទី១ មីនា ដល់ថ្ងៃទី៣០ មេសា ចូលរួមដោយទាហានកូរ៉េខាងត្បូង និងទាហានអាមេរិកចំនួន១១.០០០នាក់ ក្នុងប្រតិបត្តិការជើងគោក ជើងអាកាស និងជើងទឹក។ សមយុទ្ធទាំងនេះស្ថិតក្នុងក្របខណ្ឌនៃសមយុទ្ធជាទម្លាប់ដែលមានទិសដៅការពារ ហើយគ្មានជាប់ទាក់ទិនដល់បច្ចុប្បន្នភាពពិភពលោកឡើយ។ ប្រទេសកូរ៉េខាងជើងបានលើកឡើងជាញឹកញាប់ពីការប្រឆាំងនឹងសមយុទ្ធយោធារួមទាំងនេះដែលខ្លួនចាត់ទុកថាជាការរៀបចំសម្រាប់ការលុកលុយមួយចូលកូរ៉េខាងជើង ៕ ប្រភព
0 comments:
Please add comment to express your opinion, and share it on Twitter or Facebook. Thank you in advance.