តាកែវ៖ ប៉ូលិសបានបញ្ជូនបុរសពីរនាក់ទៅកាន់តុលាការខេត្តកាលពីថ្ងៃសុក្របន្ទាប់ពីពួកគេត្រូវបានចោទប្រកាន់ថា បានធ្វើឲ្យបុរសអាយុ៤៦ឆ្នាំម្នាក់ របួសកាលពីថ្ងៃពុធនៅកន្លែងមង្គលការមួយកន្លែងដែលស្ថិតនៅក្នុងស្រុកទ្រាំងខេត្តតាកែវ។ ប៉ូលិសបានឲ្យដឹងថា បុរសបីនាក់ដែលមានអាយុ២៤ ឆ្នាំ ដល់ ២៦ ឆ្នាំ បានមករាំលេងនៅក្នុងមង្គលការនោះហើយជនរងគ្រោះបានរាំជាន់ជើងរបស់ជនសង្ស័យម្នាក់ក្នុងចំណោមបីនាក់។ភ្លាមៗនោះពួកគេបានទាញដាវ និងចបជីកមកវាយក្បាលជនរងគ្រោះ។សំណាងល្អជនរងគ្រោះគេចទាន់តែត្រូវដៃខាងឆ្វេង។ជនសង្ស័យបានរត់គេចខ្លួនប៉ុន្តែពួកគេត្រូវបានប៉ូលិសចាប់ខ្លួនមួយថ្ងៃក្រោយមកពីបទបង្ករបួសស្នាម៕
ពីរនាក់បងប្អូនត្រូវចោរស្ទាក់ផ្លូវវ៉ៃប្លន់យកម៉ូតូពេលមកពីភ្នំពេញ
រតនៈគិរី៖ប៉ូលិសស្រុកបកែវក្នុងខេត្តរតនៈគិរីបានចាប់ខ្លួនបុរសម្នាក់កាលពីថ្ងៃព្រហស្បតិ៍ជាប់ពាក់ពន្ធ័នឹងវាយប្លន់ជនរងគ្រោះជាបងប្អូនមិនបានសំរេចមួយកាលពីថ្ងៃពុធ។ក្រុមប៉ូលិសបានអោយដឹងថា ជនរងគ្រោះអាយុ២៣ឆ្នាំម្នាក់បានទៅទទួលបងស្រីរបស់គេអាយុ៣០ឆ្នាំពីបេនឡានហើយពេលធ្វើដំណើរត្រឡប់មកវិញត្រូវបានជនសង្ស័យស្ទាក់ផ្លូវនិងកាប់ពួកគេនឹងដាវសាំម៉ូរៃមួយប៉ុនប៉ងប្លន់យកម៉ូតូ។ ជនរងគ្រោះស្រែកអោយគេជួយធ្វើអោយជនសង្ស័យភ័យហើយរត់គេចខ្លួនចូលព្រៃបាត់ទៅ។ជនរងគ្រោះជាបងរងរបួសធ្ងន់ហើយបញ្ជូនមកសង្គ្រោះនៅមន្ទីរមួយនៅភ្នំពេញ។ ប៉ូលិសបានចាប់ខ្លួនជនសង្ស័យមួយថ្ងៃក្រោយមកហើយកំពុងតែកសាងសំណុំរឿងបញ្ជូនគេទៅតុលាការ៕
ប៉ូលិសឃាត់ខ្លួនចោរលួចស្រូវបីប៉ាវបញ្ជូនទៅតុលាការ
កំពង់ស្ពឺ៖ប៉ូលិសស្រុកគងពិសីខេត្តកំពង់ស្ពឺបានចាប់ខ្លួនបុរសអាយុ២១ឆ្នាំម្នាក់ដោយសង្ស័យថា បានលួចស្រូវចំនួនបីប៉ាវកាលពីយប់ថ្ងៃពុធ។ក្រុមសម្ថកិច្ចបានអោយដឹងថាបុរសពីរនាក់បានឃុបឃិតគ្នាលួចស្រូវ៣ប៉ាវហើយយកទៅលាក់ទុកដើម្បីលក់យកលុយចែកគ្នាចាយ។ ម្ចាស់ស្រូវអាយុ៥៤ឆ្នាំបានប្តឹងប៉ូលិសពីរឿងបាត់ស្រូវនេះ។ ប៉ូលិសបានស្រាវជ្រាវរហូតឈានដល់ចាប់ខ្លួនជនសង្ស័យម្នាក់។ ជនសង្ស័យបានសារភាពថាពួកគេបានលួចស្រូវនោះមែនហើយលក់អស់មួយប៉ាវបានប្រាក់៦ម៉ឺនរៀលចែកគ្នាចាយអស់ហើយ។ ប៉ូលិសបានបញ្ជូនជនសង្ស័យទៅតុលាការហើយកំពុងតែស្វែងរកចាប់ខ្លួនជនសង្ស័យម្នាក់ទៀតដែលកំពុងតែរត់គេចខ្លួន៕
ភ្ញៀវការវាយគ្នាស្លាប់ម្នាក់របួសម្នាក់ និង៤នាក់ចាប់ខ្លួន
កំពង់ស្ពឺ៖បុរស៤នាក់ត្រូវបានចាប់ខ្លួនកាលពីថ្ងៃសុក្របន្ទាប់ពីពួកគេបានវាយបុរសម្នាក់បណ្តាលអោយស្លាប់និងម្នាក់ទៀតរងរបួសធ្ងន់ធ្ងរនៅក្នុងស្រុកភ្នំស្រួចខេត្តកំពង់ស្ពឺ។ប៉ូលិសបានអោយដឹងថា ជនសង្ស័យ និងជនរងគ្រោះបានចូលរួមនៅក្នុងពិធីមង្គលការមួយកន្លែង។បន្ទាប់មកពួកគេមានទំនាស់ពាក្យសំដីជាមួយគ្នា។ពេលនោះក្រុមជនសង្ស័យបានវាយជនរងគ្រោះទាំងពីរនាក់ដែលមានអាយុ១៨និង១៩ឆ្នាំ នឹងដំបងរបួសធ្ងន់។ជនរងគ្រោះត្រូវបានបញ្ជូនទៅកាន់មន្ទីពេទ្យនៅភ្នំពេញប៉ុន្តែម្នាក់បានស្លាប់ដោយសាររបួសធ្ងន់ធ្ងរពេក។ប៉ូលិសបានបញ្ជូនជនសង្ស័យទាំងនោះទៅតុលាការដើម្បីកាត់ទោសទៅតាមច្បាប់៕
ភ្ញៀវការត្រូវឃាត់ខ្លួនបន្ទាប់ពីបាញ់កូនក្រមុំរបួស
កណ្តាល៖បុរសអាយុ៤៨ឆ្នាំម្នាក់ត្រូវបានឃាត់ខ្លួនបន្ទាប់ពីគេបានបាញ់បង្កអោយកូនក្រមុំអាយុ៤៧ឆ្នាំម្នាក់និងភ្ញៀវ២នាក់ទៀតនៅនឹងមង្គលការមួយដែលស្ថិតនៅក្នុងស្រុកស្អាងខេត្តកណ្តាលកាលពីរាត្រីថ្ងៃសុក្រ។យោងតាមប៉ូលិសបន្ទាប់ពីហូបចុកហើយជនសង្ស័យបានរាំលេងជាមួយនឹងស្ត្រីបីនាក់ដែលជាសាច់ញាតិរបស់កូនក្រមុំ។ពេលនោះគេរាំដូចជាមានកាយវិការមិនសមរម្យដាក់ស្ត្រីទាំងបីនាក់នោះដែលធ្វើអោយពួកគេឈប់រាំ។ជនសង្ស័យខឹងបានស្រែកឡូឡា។កូនក្រមុំបានចូលមកឃាត់តែគេបានដកកាំភ្លើងខ្លីបាញ់២៣គ្រាប់ធ្វើអោយកូនក្រមុំ និងភ្ញៀវ២នាក់ផ្សេងទៀតរបួសត្រង់ដៃ និងភ្លៅ។ជនសង្ស័យបានជិះឡានមកភ្នំពេញដើម្បីគេចខ្លួនតែត្រូវប៉ូលិសឃាត់ខ្លួននៅប៉ុន្មានម៉ោងក្រោយមក និងឃុំខ្លួនដើម្បីសួរនាំ។
សពអាក្រាតកាយរបស់ស្ត្រីក្រមុំជនជាតិភាគតិចត្រូវបានប្រទះឃើញ
រតនៈគិរី៖សមត្ថកិច្ចស្រុកអូរជុំខេត្តរតនៈគិរីបានអោយដឹងថា សពអាក្រាតកាយរបស់ស្ត្រីអាយុ២១ឆ្នាំម្នាក់ត្រូវបានសាច់ញាតិនាងប្រទះឃើញនៅក្រោមដើមស្វាយចន្ទីនៅហ្នឹងចំការមួយកន្លែងកាលពីថ្ងៃអាទិត្យបន្ទាប់ពីស្ត្រីរូបនោះបានបាត់ខ្លួនមួយថ្ងៃមក។សមត្ថកិច្ចបានបញ្ជាក់ថា ស្ត្រីដែលស្លាប់នោះជាជនជាតិភាគតិច។នាងបានចេញបាត់ពីផ្ទះកាលពីថ្ងៃសៅរ៍នៅពេលដែលក្រុមគ្រួសាររបស់នាងបានជួបជុំគ្នាដើម្បីស៊ីផឹក។ឪពុកម្តាយរបស់នាងមិនបានដើររកកូនភ្លាមៗនោះទេរហូតដល់មួយថ្ងៃក្រោយមកព្រោះរវល់នឹងការជួបជុំនោះ។សពរបស់ស្ត្រីរូបនោះត្រូវបានគេប្រទះឃើញនៅចំងាយប្រហែលជា១០០ម៉ែត្រពីផ្ទះរបស់នាង។ នាងមានជំងឺឆ្កួតជ្រូកដែលនេះក្រុមសមត្ថកិច្ចសង្ស័យថា ជាមូលហេតុនៃការស្លាប់របស់នាង។ វាប្រហែលជាមិនពាក់ពន្ធ័នឹងករណីរំលោភ និងឃាតកម្មនោះទេ៕
បងស្រីប្តឹងប្អូនប្រុសប្រមឹករឿងបំផ្លាញទ្រព្យក្នុងផ្ទះ
បាត់ដំបង៖សមត្ថកិច្ចបានចាប់ខ្លួនបុរសអាយុ២៤ឆ្នាំម្នាក់បន្ទាប់ពីបងស្រីរបស់គេប្តឹងទៅសមត្ថកិច្ចដោយធ្វើការចោទប្រកាន់ថា គេបានវាយបំផ្លាញទ្រព្យសម្បត្តិនៅក្នុងផ្ទះកាលពីថ្ងៃអាទិត្យនៅក្នុងក្រុងបាត់ដំបងខេត្តបាត់ដំបង។សមត្ថកិច្ចបានអោយដឹងថា ជនសង្ស័យបានផឹកស្រាស្រវឹងវាយបំផ្លាញចានឆ្នាំងហើយថែមទាំងបានគំរាមរកកាប់បងស្រីរបស់គេអាយុ២៧ឆ្នាំទៀតផង។ស្ត្រីជាបងស្រីបានអះអាងថាប្អូនប្រុសរបស់នាងគិតតែពីផឹកស្រាមិនគិតជួយរកស៊ីនាងទេ។គេបានប្រព្រឹត្តទង្វើបែបនេះជាច្រើនលើកច្រើនសារមកហើយទើបគាត់ដាច់ចិត្តប្តឹង។ជនសង្ស័យបានសារភាពថា គេពិតជាបានធ្វើដូចការចោទប្រកាន់នោះមែន។គេវាយចានឆ្នាំងទាំងនោះហើយយកទៅលក់អោយអេតចាយដើម្បីយកលុយទិញស្រាផឹក។សមត្ថកិច្ចនឹងបញ្ជូនជនសង្ស័យទៅតុលាការដើម្បីចាត់ការតាមច្បាប់៕
ក្មួយស្លាប់ពូរបួសធ្ងន់ នៅក្នុងការវាយតប់ ក្នុងពិធីបុណ្យដារលាន
កំពង់ស្ពឺ៖បុរសអាយុ២១ឆ្នាំម្នាក់ត្រូវបានចាប់ខ្លួនបន្ទាប់ពីគេនិងបក្សពួក៣នាក់ផ្សេងទៀតបានវាយសម្លាប់យុវជនម្នាក់អាយុ១៩ឆ្នាំ និងពូរបស់ជនរងគ្រោះរងរបួសធ្ងន់ធ្ងរកាលពីថ្ងៃចន្ទ័នៅកន្លែងពិធីបុណ្យមួយកន្លែងដែលស្ថិតនៅក្នុងស្រុកថ្ពងខេត្តកំពង់ស្ពឺ។ក្រុមសមត្ថកិច្ចបានអោយដឹងថា ជនរងគ្រោះដែលស្លាប់បានទៅលេងចូលរួមពិធីបុណ្យបុណ្យដាលាននៅផ្ទះពូរបស់គេ។ពេលនោះជនដៃដល់បានជិះម៉ូតូចុះឡើង ចុះឡើងនៅកន្លែងបុណ្យនោះហើយក៍កើតមានជម្លោះពាក្យសំដីជាមួយនឹងគ្នា។ជនដៃដល់បានចេញពីកន្លែងបុណ្យនោះ។មួយសន្ទុះក្រោយមកក៏ត្រឡប់មកវិញជាមួយនឹងបក្សពួករបស់គេ៣នាក់ទៀតហើយបានវាយតប់គ្នាជាមួយជនរងគ្រោះ។ ពូរបស់ជនរងគ្រោះបានចូលទៅជួយហើយក៏ត្រូវគេវាយរបួសធ្ងន់រីឯជនរងគ្រោះបានស្លាប់។ ជនសង្ស័យទាំងអស់បានរត់គេចខ្លួន។ ប៉ូលិសបានតាមចាប់ខ្លួនបានជនដៃដល់ហើយគេថាការវាយតប់គ្នានោះដោយសារតែជនរងគ្រោះបានជេរគេមុន៕
បីនាក់ត្រូវចាប់ខ្លួនរឿងគំរាមប្លន់គូរសង្សារកំពុងសាសងគ្នា
កំពត៖ប៉ូលិសក្រុងកំពតបានចាប់ខ្លួនបុរសបីនាក់ដែលមានអាយុ១៨ ឆ្នាំ ២១ឆ្នាំ និង២៤ឆ្នាំបន្ទាប់ពីពួកគេរងការចោទប្រកាន់ថា បានប្លន់សង្សារមួយគូកាលពីរាត្រីថ្ងៃចន្ទ។ជនរងគ្រោះដែលមានអាយុ២៣ឆ្នាំបាននិយាយថា គេ និងសង្សារបានមកអង្គុយលេងនៅកន្លែងកើតហេតុ។ពេលនោះស្រាប់តែជនសង្ស័យបានដើរសំដៅពួកគេហើយច្របាច់កគំរាមប្លន់យកទ្រព្យសម្បត្តិ។ជនរងគ្រោះបានស្រែកអោយគេជួយហើយប៉ូលិសល្បាតបានធ្វើអន្តរាគមន៍ចាប់ជនសង្ស័យតែម្តង។ប៉ូលិសបានរៀបចំឯកសារ និងបញ្ជូនជនសង្ស័យទៅតុលាការដើម្បីកាត់ទោស៕
បាញ់បង្អើលចោរបែរជាត្រូវសន្តិសុខរបួស
ភ្នំពេញ៖សន្តិសុខភោជនីយដ្ឋានម្នាក់អាយុ២៧ឆ្នាំបានរងរបួសខ្នងនៅក្នុងការបាញ់បង្អើលចោរលួចឥវ៉ាន់មួយកាលពីថ្ងៃពុធនៅក្នុងខណ្ឌដូនពេញក្រុងភ្នំពេញ។ ប៉ូលិសបានអោយដឹងថាមានចោរពីរនាក់ជិះម៉ូតូមកឈប់ជិតឡានមួយគ្រឿងបំណងលួចឥវ៉ាន់នៅក្នុងឡាននោះ។ពេលនោះប្រជាពលរដ្ឋឃើញក៍ស្រែកថាចោរចោរ។មានបុរសម្នាក់បានធ្វើដំណើរកាត់ទីនោះក៍ដកកាំភ្លើងបាញ់ពីរគ្រាប់ដើម្បីបង្អើលចោរតែបែរជាផ្លាតត្រូវសន្តិសសុខដែលកំពុងតែអង្គុយនៅមុខភោជនីយដ្ឋាននោះទៅវិញ។ជនដែលបាញ់នោះបានគេចខ្លួនបាត់។ប៉ូលិសកំពុងតែតាមរកចាប់ខ្លួន៕
១៨នាក់ប្រុសស្រី ត្រូវប៉ូលិសក្របួចបានដោយសារណាត់គ្នាវាយតប់
ភ្នំពេញ៖ បុរសស្រ្តី១៨នាក់ត្រូវបានចាប់ខ្លួននៅខណ្ឌចំការមនរាជាធានីភ្នំពេញកាលពី ពុធទី១១មករា។ប៉ូលិសនិយាយថា ពួកគេបានវាយតប់គ្នា បណ្តាលឲ្យរបួសទាំងសងខាង។ពួកគេមានពីរក្រុមដោយមួយក្រុមមានគ្នា៨នាក់និងម្ខាងទៀតមានគ្នា១០នាក់។ដោយនៅថ្ងៃកើតហេតុពួកគេបានណាត់គ្នាដើម្បីវាយគ្នានៅមជ្ឈមណ្ឌលកោះពេជ្រ ។ពួកគេបានវាយគ្នាដោយប្រើដំបង។ប៉ូលិសក៏បានចុះទៅបង្ក្រាបពួកគេចាប់ក្របួចបានទាំងអស់មិនមែនអ្នកណាអាចរត់គេចបានទេ។ពួកគេទាំងអស់ត្រូវបានឃាត់ដើម្បីយកទៅអប់រំនិងចុះកិច្ចសន្យាដើម្បីកុំឲ្យប្រព្រឹត្តដូច្នេះទៀត។ពួកគេទាំងនោះនិយាយថា ពួកគេឈ្លោះគ្នានិងពាក្យសម្តីក៏មកណាត់គ្នាមកវាយតប់ធ្វើខូចសណ្តាប់ធ្នាប់យ៉ាងដូច្នេះ៕
ឆក់លុយប្រជាពលរដ្ឋញយដងត្រូវប៉ូលិសចាប់បាន
ភ្នំពេញ ៖ បុរសអាយុ២៧ឆ្នាំម្នាក់ត្រូវបានគេចាប់ខ្លួនបន្ទាប់ពីឆក់លុយពីប្រជាពលរដ្ឋនៅខណ្ឌទួលគោករាជធានីភ្នំពេញកាលពីថ្ងៃអង្គារ៍ទី១០មករា។ ប៉ូលិសនិយាយថាមានប្រជាពលរដ្ឋជាច្រើនបានត្អូញត្អែរថាពួកគេឧស្សាហ៍ត្រូវជននេះឆក់លុយណាស់ជាពិសេសនៅតាមផ្សារនិងតាមផ្លូវសាធារណៈ ទើបពួកគេមកប្តឹងប៉ូលិស។បន្ទាប់មកទើបប៉ូលិសចាប់ខ្លួននៅពេលបុរសនេះកំពុងធ្វើការជាអ្នកលីសែងសាច់ជ្រូកឲ្យគេ។បុរសនោះបានសារភាពនៅទង្វើលរបស់ខ្លួនថានេះមិនមែនជាលើកទីមួយទេដែលគេឆក់លុយនោះ។បច្ចុប្បន្នប៉ូលិសកំពុងបញ្ជូនសំណុំរឿងទៅកាន់តុលាការដើម្បីចាត់ការតាមផ្លូវច្បាប់៕
ចាប់បានមេឃ្លោងគ្រឿងញៀនម្នាក់នៅប៉ោយប៉ែត
បន្ទាយមានជ័យ៖ មេឃ្លោងជួញដូរគ្រឿងញៀនម្នាក់ដែលល្បីនៅក្រុងប៉ោយប៉ែតត្រូវប៉ូលិសចាប់បានហើយកាលពីថ្ងៃ១១មករា បន្ទាប់ពីបុរសម្នាក់នេះពូកែជួញដូរគ្រឿងញៀននៅព្រំដែន។ ប៉ូលិសបានរឹបអូសថ្នាំញៀនបានចំនួន៣ថង់ជាប្រភេទថ្នាំយ៉ាមាទឹកកក និង៥គ្រាប់ទៀតគឺថ្នាំប្រភេទអំហ្វេតេមីននៅក្នុងដៃរបស់ជននោះ។ប្រជាពលរដ្ឋមានការសប្បាយចិត្តជាខ្លាំងនៅពេលនៅពេលលឺព័ត៌មាននេះថា ចាប់ខ្លួនជននេះព្រោះកន្លងមកជននេះបានបង្វក់ក្មេងៗព្រោះតែគ្រឿងញៀននេះ។ ប៉ូលិសបន្ថែមថា ទំរាំចាប់បានជនសង្ស័យនេះមានការពិបាកព្រោះជននេះពូកែប្រើល្បិចលាក់គ្រឿងញៀនតែនៅតែប៉ូលិសចាប់បាន។ប៉ូលិសបានបញ្ជូននេះទៅកាន់តុលាការដើម្បីចាត់ការតាមច្បាប់៕
ទ្រាំមិនបានប្តីប្រើហិង្សាដាក់ ប្រពន្ធប្តឹងប៉ូលិសឲ្យចាប់ខ្លួន
ស្ទឹងត្រែង៖ បុរសអាយុ៤៦ឆ្នាំម្នាក់ដែលជាប្តីជនរងគ្រោះត្រូវបានចាប់ខ្លួនបន្ទាប់ពីប្រពន្ធបានដាក់ពាក្យបណ្តឹងទៅកាន់ប៉ូលិសពីបទប្រើអំពើហិង្សាដែលហេតុការណ៍នេះកើតឡើងនៅខេត្តស្ទឹងត្រែងកាលពីថ្ងៃទីអង្គារ៍ទី១០មករា។ ប៉ូលិសនិយាយថា ប្រពន្ធរបស់ជននោះបានមកដាក់ពាក្យបណ្តឹងប្តឹងប្តីខ្លួនឯងដែលប្រើប្រាស់កាំបិតមកកាប់ក្បាលនាងបណ្តាលឲ្យរបួស។ស្រ្តីជាប្រពន្ធរងគ្រោះបាននិយាយថា ប្តីខ្លួនបានយកកាំបិតមកកាប់ ហើយនេះមិនមែនជាលើកទីមួយទេ ដែលបុរសនោះប្រើអំពើហិង្សាមកលើពោលគឺស្ទើរតែរៀងរាល់ថ្ងៃមកហើយទើបនាងទ្រាំមិនបានមកដាក់ពាក្យបណ្តឹង៕
ឆក់ម៉ាស៊ីនថតអ្នកទេសចរត្រូវពលរដ្ឋស្ទាក់ចាប់ឲ្យប៉ូលិស
ភ្នំពេញ៖ បុរសពីរនាក់ត្រូវបានចាប់ខ្លួនភ្លាមៗបន្ទាប់ពីពួកគេធ្វើសកម្មភាពឆក់កាមេរ៉ាអ្នកទេសចរណ៍ដែលកំពុងដើរទស្សនាដងមាត់ទន្លេទល់មុខព្រះបរមរាជវាំងក្នុងខណ្ឌដូនពេញរាជធានីភ្នំពេញកាលពីថ្ងៃទី០៨មករា។ប៉ូលិសនិយាយថា ជនបរទេសពីរនាក់មកទស្សនានៅរាជធានីភ្នំពេញ និងទស្សនាកំសាន្តថតរូបនៅមុខវាំងក៏ស្រាប់តែត្រូវយុវជនពីរនាក់ធ្វើសកម្មភាពឆក់រួចក៏ជិះម៉ូតូដើម្បីរត់គេចតែត្រូវប្រជាពលរដ្ឋដែលជាសាក្សីឃើញហេតុការណ៍ឆក់ក៏ជិះរថយន្តដេញចាប់ដើម្បីចាប់បញ្ជូនទៅកាន់តុលការ។ពួកគេទាំងពីរនាក់នោះបានសារភាពនៅទោសកំហុសរបស់ខ្លួនថាពិតជាបានប្រព្រឹត្តមែន។ រីឯជនសង្ស័យនោះមានការតក់ស្លុតជាខ្លាំងតែសំណាងល្អត្រូវបានប៉ូលិសប្រគល់កាមេរ៉ាឲ្យវិញ។បច្ចុប្បន្នប៉ូលិសកំពុងធ្វើការឃុំខ្លួនជនសង្ស័យទាំងពីរនាក់នោះដើម្បីបញ្ជូនសំណុំរឿងទៅកាន់តុលាការ៕
ក្មេងស្រីម្នាក់ស្លាប់ដោយសារអ្នកបើកបរស្ទើរភ្លើងបុក
កំពត៖ ក្មេងស្រីអាយុ៣ឆ្នាំម្នាក់ស្លាប់ និងសាច់ញាតិពីរនាក់រងរបួសធ្ងន់ធ្ងរដោយសារអ្នកបើករថយន្តស្ទើរភ្លើងម្នាក់ជិះបុកទាំងកំរោលនៅក្រុងកំពតកាលពីថ្ងៃទី០៨មករា។ ប៉ូលិសនិយាយថាខណៈដែលជនរងគ្រោះកំពុងឈរនៅមុខផ្ទះ ក៏ត្រូវរថយន្តនោះបើកបុករួចក៏គេចខ្លួន។ ប៉ូលិសបន្ថែមថាអ្នកបើកបររថយន្តនោះទើបតែចេះបើកតែប៊ុណ្ណោះ ដោយនៅថ្ងៃកើតហេតុចង់បន្ថយល្បឿនតែបែរជាន់បន្ថយល្បឿនទៅវិញ បណ្តាលឲ្យក្មេងស្រីម្នាក់ស្លាប់បន្ទាប់ពីបញ្ជូនទៅកាន់មន្ទីរពេទ្យ។រីសាច់ញាតិពីរនាក់ត្រូវរងរបួសជាដំណំ។បច្ចុប្បន្នប៉ូលិសកំពុងរក្សារថយន្តទៅការិយាល័យប៉ូលិសចរាចរដើម្បីធ្វើការដោះស្រាយ៕
សពជនជាតិកូរ៉េម្នាក់អណ្តែតទឹកមានទាន់ដឹងពីមូលហេតុ
ភ្នំពេញ៖ប្រជាពលរដ្ឋនៅខណ្ឌមានជ័យក្រុងភ្នំពេញកាលពីថ្ងៃទី០៨មករាបានប្រទះឃើញសាកសពជនជាតិកូរ៉េម្នាក់នៅក្នុងទន្លេរួចក៏បានរាយការណ៍ទៅប៉ូលិស។សាក្សីនិយាយថាពួកគេឃើញបុរសនោះស្រវឹងចង់លោតទឹកសំលាប់ខ្លួន។រីឯអ្នកផ្សេងទៀតអះអាងថាមកពីលង់ទឹកតែទោះជាយ៉ាងណាប៉ូលិសមិនទាន់ធ្វើការសន្និដ្ឋានជាក់លាក់នោះទេគ្រាន់តែសន្និដ្ឋានជាជំហានដំបូងថា ស្លាប់មិនមែនដោយសារករណីឃាតកម្ម។ប៉ូលិសកំពុងធ្វើការទំនាក់ទំនងទៅកាន់ស្ថានទូតដើម្បីស្វែងរកក្រុមគ្រួសារ៕
បុរសបីនាក់ត្រូវប៉ូលិសស្ទាក់ចាប់ពាក់ព័ន្ធនឹងគ្រឿងញៀន
ពោធិសាត់៖ បុរសបីនាក់ត្រូវបានគេចាប់ខ្លួន បន្ទាប់ពីពួកគេសង្ស័យថាជួញដូរគ្រឿងញៀននៅក្រុងពោធិសាត់កាលពីថ្ងៃអាទិត្យទី៨មករា។ ប៉ូលិសនិយាយថា ប៉ូលិសបានសង្ស័យជននេះជាយូរមកហើយថាពួកគេលក់ដូរគ្រឿងញៀននិងប្រើប្រាស់។ហើយប្រជាពលរដ្ឋអះអាងថា ពួកគេគឺពូកែជាមួយនឹងគ្រឿងញៀន ទើបប៉ូលិសបានពង្រាយកំលាំងដើម្បីស្ទាក់ចាប់ពួកគេ។ហើយនៅថ្ងៃកើតហេតុ ពួកគេបានប្រើប្រាស់គ្រឿងញៀននិងមានគ្រឿងញៀនក្នុងដៃ ប៉ូលិសក៏បានចាប់ពួកគេដោយប៉ូលិសរឹបអូសបានគ្រឿងញៀនបាន១០០ថង់។ ពួកគេបានសារភាពនូវកំហុសរបស់ពួកគេ ដោយនិយាយថានេះមិនមែនជាលើកទីមួយទេដែលពួកគេប្រព្រឹត្តនាពេលកន្លងមក៕
ដើរល្បាតប្រទះឃើញកំណត់ឈើជាច្រើន តែជនល្មើសគេចខ្លួនបាត់
ស្ទឹងត្រែង ៖ ឈើប្រមាណជា២២៧កំណាត់ត្រូវបានប្រទះឃើញនៅក្នុងព្រៃដោយរដ្ឋបាលព្រៃឈើស្ថិតនៅស្រុកសេសាន ខេត្តស្ទឹងត្រែងកាលពីថ្ងៃ០៨មករា។ រដ្ឋបាលព្រៃឈើនិយាយថា នៅថ្ងៃរកឃើញកំណាត់ឈើដ៏ច្រើននេះ បន្ទាប់ពីរដ្ឋបាលដើរល្បាតព្រៃដើម្បីពិនិត្យរកមើលបទល្មើសនានា ស្រាប់តែដល់រដ្ឋបាលល្បាតដល់ព្រៃជ្រៅ ក៏ប្រទះឃើញកំណាត់ឈើដែលគេកាប់ខុសច្បាប់បំរុងយកទៅលក់ តែនៅពេលដឹងថាមានសមត្ថកិច្ចចុះល្បាតក៏រត់គេចខ្លួនអស់។បច្ចុប្បន្នរដ្ឋបាលព្រៃឈើធ្វើការរក្សាទុកកំណាត់ឈើនោះនិងបន្តស្វែងចាប់ជនល្មើស៕
ទើបការបានបីថ្ងៃប្រពន្ធត្រូវឡានកិនស្លាប់
កណ្តាល៖តុលាការខេត្តកណ្តាលកាលពីថ្ងៃពុធបានចោទប្រកាន់អ្នកបើកបរម្នាក់ពីបទបើកបរបង្កឱ្យអ្នកដទៃស្លាប់ដោយអចេតនានិងឃុំខ្លួនបណ្តោះអាសន្ន។កាលពីថ្ងៃអង្គារប្តីប្រពន្ធមួយគូរដែលទើបនិងរៀបការហើយបានទើបតែបីថ្ងៃប៉ុណ្ណោះបានជួបនិងគ្រោះថ្នាក់ចរាចរណ៍មួយនៅស្រុកអង្គស្នួលខេត្ដកណ្ដាលដែលបង្កដោយឡានកុងតឺនឺមួយគ្រឿងដែលបើកបរដោយជនសង្ស័យរូបនោះ។នារីជាប្រពន្ធ អាយុ២៣ឆ្នាំបែកក្បាលបានស្លាប់ភ្លាមៗនៅកន្លែងកើតហេតុរីឯប្តីរងរបួសធ្ងន់៕
ឆក់ទូរស័ព្ទអ្នកទេសចរណ៍ភ្លាត់ស្នៀតប៉ូលិសចាប់បាន
ភ្នំពេញ៖ តុលាការរាជធានីភ្នំពេញបានចោទប្រកាន់បុរសពីរនាក់ពីបទប្លន់កាលពីថ្ងៃអង្គារ៍ទី១០មករាបន្ទាប់ពីពួកគេត្រូវបានចាប់ខ្លួនដោយសារលួចទូរស័ព្ទអ្នកទេសចរណ៍នៅខណ្ឌចំការមនរាជធានីភ្នំពេញ។ប៉ូលិសនិយាយថាជនសង្ស័យបានឆក់ទូរស័ព្ទពីអ្នកទេសចរណ៍ខណៈដែលពួកគេដើរទស្សនាចរតាមដងផ្លូវ។ហើយក៏ជិះម៉ូតូគេចតែបែរទៅជាជិះបុកម៉ូតូដទៃទើបធ្វើឲ្យប៉ូលិសអាចចាប់បាននូវជនសង្ស័យទាំងពីរនេះ៕
ម្នាក់ស្លាប់ និងពីរនាក់រងរបួសដោយសារភ្លើងឆេះ
រតនគិរី៖ បុរសវ័យចំណាស់ម្នាក់ស្លាប់ដោយសារភ្លើងឆេះ និងបណ្តាលឲ្យស្រ្តីពីរនាក់រងរបួសជាទំងន់នៅក្នុងហេតុការណ៍ភ្លើងឆេះខ្ទមកាលពីយប់ថ្ងៃចន្ទទី៩មករាស្ថិតនៅស្រុកកូនមុំខេត្តរតនគិរី។អ្នកជិតខាងដែលបានឃើញហេតុការណ៍នេះនិយាយថាពួកគេបានលង់លក់ក្នុងខ្ទមដែលឆេះ។ប៉ូលិសនិយាយថាបុរសអាយុ៦៦ឆ្នាំដែលស្លាប់នោះបណ្តាលមកពីស្រវឹងខ្លាំងពេកទើបងើបមិនរួចបណ្តាលស្លាប់ក្នុងអណ្តាតភ្លើងនោះខណៈដែលស្រ្តីពីរនាក់ដែលនៅក្នុងផ្ទះដែរនោះបានព្យាយាមរត់ចេញតែត្រូវរលាកខ្លួនប្រាណបានបញ្ជូនទៅកាន់មន្ទីរពេទ្យដើម្បីសង្រ្គោះ។ទោះជាយ៉ាងណាក៏ដោយគេមិនទាន់ដឹងពីមូលហេតុនៃការឆេះនេះទេ៕
ចាប់ជនសង្ស័យម្នាក់ពាក់ព័ន្ធនឹងឃុំខ្លួនមនុស្សខុសច្បាប់
ស្វាយរៀង៖ បុគ្គលិកកាស៊ីណូម្នាក់នៅក្រុងបាវិត ខេត្តស្វាយរៀងត្រូវបានចាប់ខ្លួនកាលពីសប្តាហ៍មុនបន្ទាប់ពីបុរសរូបនេះជាប់ចោទពីបទឃុំខ្លួនមនុស្សខុសច្បាប់លើជនរងគ្រោះម្នាក់។ប៉ូលិសខេត្តនិយាយថា ជនសង្ស័យផ្សេងទៀតជាជនវៀតណាមត្រូវគេសង្ស័យថាពាក់ព័ន្ធនឹងការកាត់ម្រាមដៃជនរងគ្រោះដែលតែរត់គេចខ្លួនបាត់។ ប៉ូលិសកំពុងតែធ្វើការស៊ើបអង្កេតចាប់ខ្លួនបន្តទៀត។ក្រុមគ្រួសារជនរងគ្រោះបានដាក់ពាក្យបណ្តឹងមកកាន់ប៉ូលិសដើម្បីធ្វើការចាប់ខ្លួនជនសង្ស័យទាំងនេះ។ជនសង្ស័យម្នាក់នេះបានសារភាពនូវកំហុសរបស់ខ្លួនហើយប៉ូលិសបានបញ្ជូនទៅកាន់តុលាការដើម្បីធ្វើការឃុំខ្លួនមុននឹងសាវការ៕
ចាប់បុរសជាប្តីម្នាក់ បន្ទាប់ពីប្រើហិង្សាលើប្រពន្ធខ្លូនឯង
សៀមរាប៖ ជំលោះក្នុងអំពើហិង្សាបានធ្វើឲ្យមានការចាប់ខ្លួនបុរសម្នាក់បន្ទាប់ពីបុរសម្នាក់នោះបានវាយតប់លើប្រពន្ធរបស់ខ្លួនជាច្រើនដងនៅស្រុកស្វាយលើខេត្តស្វាយរៀងកាលពីថ្ងៃអង្គារ៍ទី១០មករា។ប៉ូលិសនិយាយថា ជនសង្ស័យដែលជាប្តីនោះបានផឹកស្រវឹងហើយវាយប្រពន្ធខ្លួនឯងបណ្តាលឲ្យរងរបួសត្រូវបញ្ជូនទៅកាន់មន្ទីរពេទ្យ។ជនសង្ស័យជាប្តីនោះបានចាប់ខ្លួនភ្លាមៗនៅក្នុងហេតុការណ៍នោះ៕
ស្រឡាញ់គ្នា តែមិនបានរៀបការត្រូវម្តាយប្តឹងថារំលោភ
កណ្តាល៖ បុរសម្នាក់ត្រូវបានចាប់ខ្លួនកាលពីថ្ងៃទី១០មករាស្ថិតនៅក្រុងតាខ្មៅបន្ទាប់ពីបុរសម្នាក់នោះត្រូវបានចោទប្រកាន់ពីបទរំលោភសេពសន្ទវៈលើស្រ្តីរងគ្រោះម្នាក់កាលពីថ្ងៃអាទិត្យទី៨មករា។ម្តាយរបស់ជនរងគ្រោះនិយាយថា នាងបានឃើញបុរសម្នាក់ធ្វើសកម្មភាពរំលោភកូនរបស់ខ្លួនបន្ទាប់ពីប៉ុនប៉ងចង់រៀបការជាមួយកូនគាត់មិនបានសំរេច។ជនសង្ស័យបានប្រាប់ប៉ូលិសថា ខ្លួនមិនបានរំលោភស្រ្តីជាជនរងគ្រោះនោះទេគឺជាស្ម័គ្រចិត្តរៀងខ្លួនមកពីម្តាយមិនព្រមរៀងការឲ្យតែទោះជាយ៉ាងណាប៉ូលិសចាប់ខ្លួនតាមពាក្សបណ្តឹងម្តាយដែលបានប្តឹងរួចក៏បញ្ជូនទៅកាន់តុលាការ៕
0 comments:
Please add comment to express your opinion, and share it on Twitter or Facebook. Thank you in advance.