ភ្នំពេញៈ លោក Wolfgang Moser ឯកអគ្គរដ្ឋទូតសាធារណរដ្ឋសហព័ន្ធអាល្លឺម៉ង់ ប្រចាំនៅកម្ពុជា បានជម្រាបលោក ខៀវ កាញារីទ្ធ រដ្ឋមន្ត្រីក្រសួងព័ត៌មាន នៅក្នុងជំនួបនាព្រឹកថ្ងៃទី១០ ខែមករា ឆ្នាំ២០១២ នៅទីស្តីការក្រសួងថា ដោយមើលឃើញខាងចិនគេមានមជ្ឈមណ្ឌលវប្បធម៌«ខុងជឺ» និងបារាំងក៏មានមជ្ឈមណ្ឌលវប្បធម៌នៅកម្ពុជាដែរនោះ រដ្ឋាភិបាលអាល្លឺម៉ង បានរៀបចំបង្កើតជាមជ្ឈមណ្ឌលវប្បធម៌មួយឈ្មោះថា« Goethe Institute » នៅកម្ពុជា ដើម្បីផ្លាស់ប្តូរទំនាក់ទំនងផ្នែកវប្បធម៌រវាងប្រទេសទាំងពីរអាល្លឺម៉ង់-កម្ពុជា ។កន្លងមកនេះរដ្ឋាភិបាលអាល្លឺម៉ង់បានរៀបចំជាមូលនិធិ Goethe Institute មួយក្រោម ដំបូលរបស់អង្គការMeta House នៅភ្នំពេញ ដើម្បីបង្កើតជាមជ្ឈមណ្ឌលវប្បធម៌ នៅកម្ពុជា ។
តាមរយៈអង្គការ Meta Houseនេះ កន្លងមកក៏មានការរៀបចំផ្លាស់ប្តូរវប្បធម៌ ក៏ដូចជាការ បណ្តុះបណ្តាល ក្នុងនោះបានធ្វើការបណ្តុះបណ្តាលខាងផ្នែកអ្នកថតខ្សែភាពយន្ត និងផ្នែក សារព័ត៍មានផ្សេងៗ ។ អង្គការMeta House ក៏បានជួបពិភាក្សាជាមួយលោករដ្ឋមន្ត្រីក្រសួង វប្បធម៌និងវិចិត្រសិល្បៈកម្ពុជារួចមកហើយដែរ ដើម្បីពិភាក្សាគ្នាលើការបន្តបណ្តុះបណ្តាល ផ្នែកវស័យថតភាពយន្តនេះ ។
នៅក្នុងជំនួបនោះដែរ លោក Nico Mesterham ប្រធានអង្គការ Meta House បានជំរាប ថា លោកមានការសប្បាចិត្តណាស់ ព្រោះថាកន្លងមកអង្គការរបស់លោកជាអង្គការតូច មួយ ដែលបានបង្កើតឡើងនៅឆ្នាំ២០០៧ ប៉ុន្តែបច្ចុប្បន្នអង្គការMeta House ត្រូវបានទទួល ស្គាល់ទាំងពីរដ្ឋាភិបាលកម្ពុជា និងទាំងពីរដ្ឋាភិបាលអាល្លឺម៉ង់ ហើយបានក្លាយទៅជាមជ្ឈ មណ្ឌលវប្បធម៌យ៉ាងសំខាន់ ។
ការបង្កើតឡើងនូវមជ្ឈមណ្ឌលវប្បធម៌ Goethe Institute នេះ គឺមានគោលដៅសំខាន់លើការផ្លាស់ប្តូរវប្បធម៌ និងម្យ៉ាងទៀតដើម្បីបណ្តុះសមត្ថភាព យុវជនកម្ពុជាសម័យក្រោយនេះ ឲ្យស្គាល់ពីប្រទេសខ្លួនឯងផង និងស្គាល់ពីពិភពលោក ផង ពិសេសគឺបណ្តុះបណ្តាលយុវជនកម្ពុជា ឲ្យមានទំនុកចិត្តលើខ្លួនឯង និងមានភាពច្នៃប្រ ឌិត មិនចាំបាច់តែមានសម្ភារៈទំនើប ឬរបស់របរប្រើប្រាស់មានតម្លៃថ្លៃ ទើបបានធ្វើការកើត នោះទេ ប៉ុន្តែបើយើងមានសមត្ថភាព សម្ភារៈល្មមៗក៏យើងអាចកែច្នៃប្រើប្រាសបានដែរ ។
លោកប្រធានអង្គការបានជម្រាបថា មជ្ឈមណ្ឌលរបស់លោកផ្តោតទៅលើបញ្ហាធំៗចំនួន២ គឺៈ ការផ្តល់ព័ត៍មាន និងការអប់រំ រីឯការកំសាន្តគឺជាផ្នែកមួយតូចរបស់មជ្ឈមណ្ឌលតែ ប៉ុណ្ណោះ ហើយលោកប្រធានអង្គការសង្ឃឹមថា នឹងបានសហការជាមួយក្រសួងព័ត៍មាន ក្នុងការងារបណ្តុះបណ្តាលផ្សេងៗ ។
លោករដ្ឋមន្ត្រី ខៀវ កាញារីទ្ធ បានជម្រាបថា កន្លងមកក្រសួងព័ត៍មានបានសហការ ជាមួយអង្គការ ខុនរ៉ាដ អាដិនណៅអ៊ែរ បានធ្វើការបណ្តុះបណ្តាលលើផ្នែកផ្សេងៗជាច្រើន មកហើយ ។ ទន្ទឹមនេះលោករដ្ឋមន្ត្រីសង្ឃឹមថា មជ្ឈមណ្ឌលវប្បធម៌របស់អាល្លឺម៉ង់នឹងជួយ បណ្តុះបណ្តាលផ្នែកព័ត៍មានរូបថត ព័ត៍មានទូទៅ ក៏ដូចជាបច្ចេកវិទ្យាព័ត៍មានថ្មីៗផងដែរ ។ លោករដ្ឋមន្ត្រីក៏បានជម្រាបពីការលើកគម្រោងសហការជាមួយអង្គការ Meta Houseនេះ អំពី លទ្ធភាព ដែលបានឯកភាពលើការរៀបចំប្រលងប្រណាំងរូបថតនៅក្នុងប្រទេសកម្ពុជា ដើម្បីជម្រុញឲ្យយុវជនកម្ពុជា ទាំងអ្នកសារព័ត៍មាន ទាំងអ្នកមិនមែនសារព័ត៍មានក្តី អាចប្រ កួតប្រជែងក្នុងការលើកកម្ពស់ផ្នែករូបថតនេះ ឲ្យមានគុណភាពកាន់តែល្អថែមទៀត ។នៅក្នុងគម្រោងដែលលោករដ្ឋមន្ត្រីបានលើកឡើងអំពីបញ្ហាប្រលងប្រណាំងរូបថត នៅកម្ពុជានេះ អង្គការ Meta House បានឯកភាព ហើយនឹងសហការជាមួយក្រសួងព័ត៍មាន រៀបចំការប្រលងប្រណាំងរូបថតនេះ នាពេលខាងមុខ ៕
source
0 comments:
Please add comment to express your opinion, and share it on Twitter or Facebook. Thank you in advance.