មកទល់ពេលនេះមានការរំពឹងជាច្រើនថា iPhone ជំនាន់ក្រោយនឹងមានអ្វីកាន់តែពិសេស ជាក់ស្តែងពេលនេះគេហទំព័រ Pocketnow បានលើកឡើងថា iPhone ជំនាន់ក្រោយនឹងមាន NFC និងអាចប្រើជា MasterCard សម្រាប់ទូទាត់ការចាយវាយបាន។
ការរំពឹងនេះក៏មិនខុសពីពេលដែល iPhone 4S មិនទាន់បង្ហាញខ្លួន ប៉ុន្តែស្រាប់តែពេលដែល iPhone 4S ចេញមកបែរជាគ្មាន NFC សោះ។ ប៉ុន្តែដោយសារតែទូរស័ព្ទស៊េរីថ្មីៗចេញមកភាគច្រើនមាន NFC បានធ្វើឲ្យគេរំពឹងថា Apple ក៏នឹងមិនរំលងឱកាសប្រកួតប្រជែងនេះដែរ។ ប្រភពដដែលបានឲ្យដឹងថា MasterCard កំពុងពិភាក្សាពីគោលដៅរបស់ខ្លួនដែលឆ្ពោះទៅដល់ការទូទាត់ទឹកប្រាក់ដោយប្រើទូរស័ព្ទ និង NFC។ ជាពិសេសមានព័ត៌មានលេចឮថា Apple ក៏កំពុងផលិតទូរស័ព្ទ iPhone ជំនាន់ក្រោយដែលមាន NFC ផងដែរ។
ទោះបីជាយ៉ាងណាក៏ដោយការទូទាត់ទឹកប្រាក់ដោយប្រើ NFC លើទូរស័ព្ទនេះ មិនមែនជាគោលដៅសម្រាប់ Apple តែម្នាក់ឯងនោះទេ ពោលគឺក្រុមហ៊ុនផ្សេងៗទៀត ក៏អាចសហការរួមគ្នាផងដែរ។ នោះពេលនោះ ការចំណាយទឹកប្រាក់នឹងកាន់តែងាយស្រួល។
ប្រិយមិត្តចង់ឲ្យមានការរីកចម្រើននេះទេ?
0 comments:
Please add comment to express your opinion, and share it on Twitter or Facebook. Thank you in advance.