ប៉ុន្មានឆ្នាំចុងក្រោយនេះវត្តមានរបស់ tabletកំពុងទទួលបានប្រជាប្រិយភាពនិងវាយលុកទីផ្សារបច្ចេកវិទ្យាយ៉ាងខ្លាំង តែទោះជាយ៉ាងនេះក្ដីមិនមែនមានន័យថាទីផ្សារ Laptop ឬ Desktopត្រូវផ្អាក ឬបញ្ឈប់ដំណើរការផលិតនោះឡើយ។ ជាក់ស្ដែងមានក្រុមហ៊ុនជាច្រើនបានខិតខំច្នៃនិងផលិត Laptop របស់ខ្លួនឲ្យមាន ល្បឿនលឿន ខ្លាំងនិងរាងស្ដើងមិនចាញ់ tablet ឡើយ។ អញ្ចឹងសូមប្រិយមិត្តក្រឡេកមើល Laptop ស៊េរីថ្មីខាងក្រោមនេះបន្តិចមើល និងជួយប្រាប់ផងថាមួយណាស្អាត និងគួរឲ្យទាក់ទាញជាងគេ?
១. Asus Zenbook ជា Ulatrabook ដែលមានរាងស្ដើង និងស្រាលបានដាក់បង្ហាញកាលពីរដូវស្លឹកឈើជ្រុះកន្លងទៅនេះមាន៣ ម៉ូតផ្សេងៗគ្នាសម្រាប់ជ្រើសរើសជាមួយនឹងតម្លៃចាប់ពី ១០០០ដុល្លារ។
២. Sumsung Ultrabook Series 5 ជំនាន់ក្រោយមានរូបរាងប្រហាក់ប្រហែល Chromebook ដែលបានចេញកាលពីឆ្នាំមុន តែមានរូបរាងទាក់ទាញជាង។
៣. Toshiba Portege ទំហំ ១៣អ៊ីញ មានតម្លៃថោកមិនគួរឲ្យជឿចាប់ពី ៨០០ដុល្លារ។
៤. Vizio ស៊េរីថ្មីមានរូបរាងស្រដៀង Macbook Air របស់ Apple ធ្វើឲ្យពិភពលោកភ្ញាក់ផ្អើលយ៉ាងខ្លាំង។
៥. Acer បង្ហាញ Laptop ស៊េរី S5ថ្មីដែលស្ដើងបំផុតមិនធ្លាប់ជួបដោយភ្ជាប់មកជាមួយ port Thunderbolt ដែលអាចផ្ទេរឯកសារពី device មួយទៅ device មួយទៀតបានលឿន។
៦. Lenovo’s IdeaPad Ultrabooks កម្រាស់ ០.៦ អ៊ីញ ជាប្រភេទ IdeaPad ជំនាន់ថ្មីមានតម្លៃចាប់ពី ១២០០ដុល្លារ។
៧. Dell’s XPS 13 មានកម្រាស់ក្រាស់ជាង MacBook Air ត្រឹមតែមួយសរសៃសក់ ត្រៀមចេញលក់ខែកុម្ភៈខាងមុខនេះក្នុងតម្លៃចាប់ពី ៩៩៩ដុល្លារ។
៨. HP Envy Spectre ទំហំ ១៤អ៊ីញ កម្រាស់ ២០ម.ម និងទម្ងន់ ៤ផោន ភ្ជាប់មកជាមួយ Beats Audio ជាបច្ចេកវិទ្យាថ្មីដែលធ្វើឲ្យសំឡេងកាន់តែពីរោះនឹងត្រៀមចេញលក់ថ្ងៃទី ៨ ខែកុម្ភៈខាងមុខនេះក្នុងតម្លៃ ១៤០០ដុល្លារ។
ម៉េចដែរ តើប្រិយមិត្តពេញចិត្តកុំព្យូទ័រមួយណា?
ប្រភព និងរូបភាព៖ www.businessinsider.com
0 comments:
Please add comment to express your opinion, and share it on Twitter or Facebook. Thank you in advance.