នគរបាល ក្រុងប៉ោយប៉ែត ចាប់បានជន សង្ស័យពីរនាក់ ពូកែលួចទូរស័ព្ទ នៅក្នុងទឹកដីថៃ

បន្ទាយមានជ័យ៖ លោក អ៊ុំ សុផល អធិការនគរបាល ក្រុងប៉ោយប៉ែត បានថ្លែងឲ្យដឹងថា កាលពីវេលា ម៉ោង៨យប់ថ្ងៃទី ១៣ ខែកុម្ភៈ ឆ្នាំ២០១២ កម្លាំងនគរបាល របស់លោក បានឃាត់ខ្លួនជនសង្ស័យ ពីរនាក់ ដែលពូកែដើរ លួចទូរស័ព្ទ ជាច្រើនគ្រឿង នៅក្នុងទឹកដីថៃ ក្នុងផ្សាររុងគ្លឿ។

លោកបានបន្តថា ជនទី១មានឈ្មោះ ប៊ុន ធី មានអាយុ២៣ ឆ្នាំ និងទី២ឈ្មោះ អឿន មឿន រស់នៅសង្កាត់ប៉ោយប៉ែត ក្រុងប៉ោយប៉ែត។ អធិការនគរបាល ក្រុងប៉ោយប៉ែត បានគូស បញ្ជាក់ទៀតថា ការចាប់ខ្លួនជនសង្ស័យ ទាំងពីរនាក់នេះ បានធ្វើឡើងក្រោយ ពីមានពាក្យបណ្តឹង របស់ជនរង គ្រោះចំនួន៤នាក់ ដែលបានចោទ ប្រកាន់ជនទាំងពីរនាក់នេះថា បានលួចទូរស័ព្ទ របស់ពួកគេ។

ដូច្នេះពេល ជនទាំងពីរនាក់នេះ ត្រឡប់ចូលដី ខ្មែរវិញ កម្លាំងនគរបាល ក្រុងប៉ោយប៉ែតធ្វើការចាប់ ខ្លួនតែម្តង ហើយរឹបអូស ទូរស័ព្ទចំនួន៦គ្រឿង ។ ជនសង្ស័យទាំងពីរ នាក់នេះ នឹងត្រូវបញ្ជូនទៅ ស្នងការដ្ឋាននគរបាល ខេត្តបន្ទាយមានជ័យ ដើម្បីចាត់ការបន្ត៕ source

Share