ក្រុមហ៊ុន iOne សម្ពោធសាខាទី៧ iOne Ratana នៅផ្សារទំនើប រតនាផ្លាហ្សា

ភ្នំពេញៈ ត្រឹមតែ រយៈពេល៥ខែ ប៉ុណ្ណោះ បន្ទាប់ពីក្រុមហ៊ុន iOne ដែលជាក្រុមហ៊ុន នាំចូលផលិតផល Apple មកកាន់ទីផ្សារកម្ពុជា បើកសម្ពោធ សាខាទី៦ របស់ខ្លួន នៅផ្សារទំនើបសុវណ្ណា រួចមក នាព្រឹកថ្ងៃទី១២ ខែកុម្ភៈ ឆ្នាំ២០១២ ក្រុមហ៊ុនក៏បានសម្ពោធ សាខាថ្មី មួយទៀត នៅផ្សារទំនើប រតនាផ្លាហ្សា ដែលជាសាខាទី៧ របស់ខ្លួន ដើម្បីឱ្យអតិថិជន ងាយស្រួលរកទិញ ផលិតផលរបស់ខ្លួន ក៏ដូចជាឆ្លើយតប នឹងតម្រូវការទីផ្សារ បច្ចេកវិទ្យាទាន់សម័យ ។

ទីតាំងសាខាថ្មី ដែលមានឈ្មោះថា iOne Ratana នេះ ត្រូវបានបើកសម្ពោធ នៅជាន់ផ្ទាល់ដី នៃផ្សារទំនើប រតនាផ្លាហ្សា ជាប់នឹងផ្លូវ សហព័ន្ធរុស្ស៊ី ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ដោយមាន ការចូលរួមដោយ លោក សុខ ផល និងលោកស្រី ហ៊ុន ម៉ាណា អគ្គនាយិកា នៃអគ្គនាយកដ្ឋាន វិទ្យុ និងទូរទស្សន៍ បាយ័ន រួមទាំងភ្ញៀវកិត្តិយស ជាច្រើនកុះករ ។   

តំណាងក្រុមហ៊ុន iOne បានឱ្យដឹងថា ក្រុមហ៊ុនបង្កើតសាខាថ្មី  iOne Ratana នេះឡើង គឺដើម្បី បំពេញ តម្រូវការ និងផ្ដល់នូវភាពងាយស្រួល ឱ្យបានកាន់តែខ្លាំងថែមទៀត ទៅដល់អតិថិជន ទាំងអស់ នៅក្នុងរាជធានីភ្នំពេញ ក៏ដូចជានៅទូទាំងព្រះរាជាណាចក្រកម្ពុជា ពីព្រោះថាសាខាថ្មីនេះ ត្រូវបាន ធ្វើការរៀបចំ យ៉ាងពិសេស ព្រមទាំងមាន បុគ្គលិកស្រស់ស្អាត ប្រកបទៅដោយ ភាពរួសរាយរាក់ទាក់ និងមានបទពិសោធន៍ខ្ពស់ ដើម្បីស្វាគមន៍ អតិថិជនគ្រប់គ្នា ។

តំណាងក្រុមហ៊ុន បានបន្ថែមទៀតថា សាខាថ្មីនេះ ក៏នឹងមានដាក់បង្ហាញ ផលិតផល Apple ថ្មីៗ ព្រមជាមួយ ឧបករណ៍ Accessories គ្រប់ប្រភេទ ។ មិនតែប៉ុណ្ណោះ iOne Ratana ក៏ជាហាង Apple Premium Reseller ធំទី៣ ក្នុងប្រទេសកម្ពុជាផងដែរ។

 អ្វីដែលពិសេសនោះ ទីតាំងថ្មី iOne Ratana ដែលស្ថិតនៅ រាជធានីភ្នំពេញ ប៉ែកខាងលិចនេះ នឹងជួយកាត់បន្ថយ នូវការចំណាយពេលវេលាច្រើន សម្រាប់ការធ្វើដំណើររបស់អតិថិជន នៅក្នុងការ ស្វែងរក ផលិតផលថ្មី របស់ Apple ដែលមាន គុណភាពខ្ពស់ និងមានការធានាត្រឹមត្រូវ ក៏ដូចជា បង្ហាញឱ្យឃើញ ពីភាពរីកចំរើន កាន់តែខ្លាំង និងការយកចិត្ដទុកដាក់ កាន់តែពិសេស បន្ថែមទៀត ពីសំណាក់ក្រុមហ៊ុន iOne ចំពោះអតិថិជន ទាំងអស់នៅក្នុង ព្រះរាជាណាចក្រកម្ពុជា។

ពិធីសម្ពោធសាខាថ្មី នេះ ក្រុមហ៊ុន iOne មានរៀបចំនូវកម្មវិធី ពិសេសៗ ជាច្រើន ជូនទៅដល់ ភ្ញៀវកិត្ដិយសទាំងអស់ ដែលបានអញ្ជើញចូលរួម នៅក្នុងពិធី ដ៏មហាឧឡារឹកនេះ និង ការផ្ដល់នូវ Promotion ពិសេសៗ ពីក្រុមហ៊ុនiOne ចាប់ពីម៉ោង ១២:០០ ថ្ងៃត្រង់ នៅថ្ងៃដដែលនោះ រហូតដល់ ពេលល្ងាច ក្រុមហ៊ុន iOne ក៏មានធ្វើការលក់បញ្ចុះតម្លៃ យ៉ាងពិសេស (Amazing Sale) ទៅលើឧបករណ៍ជាច្រើន ប្រភេទផងដែរ ។

គួរបញ្ជាក់ថា ក្រុមហ៊ុន iOne ហាក់ដូចជា លូតលាស់យ៉ាងខ្លាំង នារយៈពេល២ឆ្នាំ ចុងក្រោយនេះ ក៏ព្រោះតែiOne ជាក្រុមហ៊ុនធំតែមួយគត់ ដែលនាំចូល ផលិតផល Apple ដូចជាទូរស័ព្ទ iPhone iPad ,Macbook Air , Macbook Pro និងផលិតផលជាច្រើនទៀត ដែលសុទ្ធតែជាផលិតផល ដែលកំពុង ពេញនិយម នៅបច្ចឹមប្រទេស មកលក់នៅកម្ពុជា គិតរហូតមកដល់ ពេលនេះក្រុមហ៊ុន iOne មានសាខា រហូតដល់៧កន្លែងហើយ ដែល សាខាទី១ iOne Canadia នៅវិមានកាណាឌីយ៉ា ,សាខាទី២ iOne Monivong នៅអគារ លេខ៤៦៣ មហាវិថី ព្រះមុនីវង្ស ខាងត្បូងអតីតក្រសួងទេសចរណ៍, សាខាទី៣ iOne Service Center នៅអគារ លេខ៣៩៤-៣៩៦ តាមបណ្ដោយមហាវិថី ព្រះមុនីវង្ស , សាខាទី៤ iOne Preah Sihanouk ផ្ទះលេខ១៥៨ អគារ Lucky Burger ជាន់ទី២ បណ្ដោយផ្លូវព្រះសីហនុ ,សាខាទី៥ នៅខេត្ដសៀមរាប អគារលេខ AII 1776 ផ្លូវស៊ីសុវត្ថា មណ្ឌល២ សង្កាត់ស្វាយដង្គុំ ក្រុងសៀមរៀប , សាខាទី៦ iOne Sovana នៅផ្សារសុវណ្ណា ដែលសម្ពោធជាផ្លូវការ កាលពីថ្ងៃទី៩ ខែកញ្ញា ឆ្នាំ២០១១ និងសាខាទី៧ គឺសាខាថ្មី iOne Ratana នៅផ្សារទំនើបរតនាផ្លាហ្សា ដែលទើបតែ សម្ពោធនេះឯង ៕

Share