ក្រសួងការពារជាតិបានឲ្យដឹងនៅថ្ងៃសុក្រនេះថា តារាចម្រៀងពេញនិយមកូរ៉េខាងត្បូងវ័យ ២៩ ឆ្នាំ Rain ដែលបានចូលបម្រើកងទ័ពកាលពីតុលានឹងក្លាយជាកងទ័ពផ្នែកកម្សាន្តម្នាក់ (an entertainment soldier)។
Rain នឹងបង្ហាញវត្តមាននៅក្នុងកម្មវិធីទូរទស្សន៍ និង វិទ្យុរបស់បណ្ដាញ Network របស់កងទ័ពកូរ៉េដែលគ្រប់គ្រងការផ្សាយដោយក្រសួងក្នុងការចូលរួមការប្រគំតន្ត្រីប្រចាំសប្ដាហ៍នៅក្នុងអង្គភាពកងទ័ពជុំវិញផ្ទៃប្រទេស។
មន្ត្រីម្នាក់មកពីក្រសួងបាននិយាយថា “ជាតារាចម្រៀង និង អ្នករាំម្នាក់ Rain នឹងសម្ដែងបានល្អក្នុងនាមជា “entertainment soldier” ម្នាក់” ។ Rain ដែលមានឈ្មោះពិតថា Jung Ji-Hoon គឺជាតារាចម្រៀង និង សម្តែងល្បីល្បាញម្នាក់មិនថាតែក្នុងប្រទេសរបស់ខ្លួនប៉ុណ្ណោះទេ ប៉ុន្តែគេក៏ល្បីនៅក្នុងបណ្តាប្រទេសជាច្រើនក្នុងតំបន់អាស៊ីផងដែរ។
គ្រប់បុរសកូរ៉េខាងត្បូងទាំងអស់ត្រូវចំណាយពេលប្រមាណពីរឆ្នាំក្នុងការចូលបម្រើកងទ័ព។ ហើយភាគច្រើនអ្នកដែលត្រូវចូលបម្រើក្នុងសេវាសង្គមនេះមានអាយុប្រហែល២០ ឆ្នាំ។ ប៉ុន្តែ Rain ត្រូវបានសម្រេចឲ្យពន្យារពេលក្នុងការងារនេះដោយសារតែគេជាអ្នកបម្រើផ្នែកកម្សាន្តល្បីល្បាញម្នាក់៕
ប្រភព៖ channelnewsasia
0 comments:
Please add comment to express your opinion, and share it on Twitter or Facebook. Thank you in advance.