នៅ រដូវ ត្រជាក់មិន ត្រូវ ងូតទឹក ច្រើនពេក ពិសេស គឺ មនុស្ស ចាស់ និង កុមារ
ភ្នំពេញ: ពួកអ្នកវិទ្យាសាស្ត្រទូន្មានថា នៅរដូវត្រជាក់មិនត្រូវងូតទឹកច្រើនពេក ពិសេសគឺមនុស្សចាស់ និងកុមារ ដើម្បីបញ្ចៀសស្ថានភាពស្ងួតស្បែក និងរមាស់ ។
រដូវត្រជាក់ ជាពេលធាតុអាកាសប្រែជាស្ងួត ដែលបណ្តាលឱ្យស្បែករបស់យើងត្រឡប់ជាតឹង និងរមាស់ ។ មូលហេតុគឺនៅរដូវត្រជាក់ សីតុណ្ហភាពថយចុះ, ដើម្បីធានាបន្ថយជាអប្បបរមាភាពបែកខ្ញែកថាមពលកម្តៅ របស់សរីរាង្គ, សរសៃឈាមតូចៗមួយចំនួននៅលើស្បែកស្ពៀតមកវិញ, បរិមាណឈាមផ្គត់ផ្គង់ឱ្យស្បែកថយចុះ, លទ្ធភាពបញ្ចញញើស និងអាស៊ីត អ័រហ្កានិករបស់ស្បែកក៏បន្ថយ, ធ្វើឱ្យកម្រិតសំណើមរបស់ស្បែកធ្លាក់ចុះ, ជាងនេះទៀតធាតុអាកាសស្ងួតកាន់តែងាយបណ្តាលឱ្យស្បែកត្រូវរមាស់ ។
អាស្រ័យហេតុនេះ ទើបអ្នកវិទ្យាសាស្ត្របានទូន្មានថា មិនត្រូវងូតទឹកច្រើននៅរដូវត្រជាក់ ពិសេសគឺមនុស្សចាស់ និងទារក ដោយងូតទឹកត្រឹមតែ១-២ដងក្នុង ១សប្តាហ៍ ។ មិនត្រូវប្រើផលិតផលធ្វើឱ្យស្អាតស្បែកមានកម្រិត PH ខ្ពស់ដូចជា សាប៊ូ ដោយគួរប្រើផលិតផលទឹកដោះសម្អាត, ដោយឡែកចំពោះអ្នកស្បែកស្ងួត ល្អបំផុតមិនប្រើសារជាតិទឹកដោះ ដោយងូតតែទឹកស្អាតប៉ុណ្ណោះ ។
ទឹកងូតក៏មិនត្រូវក្តៅពេក ព្រោះថាក្រោយពេលងូតដោយទឹកក្តៅ ទោះបីមានអារម្មណ៍ស្រួលខ្លួន តែទឹកក្តៅនឹងធ្វើឱ្យស្បែកស្ងួត និងរមាស់ ។ ក្រោយពេលងូតទឹក គួរប្រើក្រែមថែរក្សាស្បែកធ្វើពីរុក្ខជាតិធម្មជាតិ ចៀសវាងប្រើប្រេងសារជាតិរ៉ែ ។
មនុស្សចាស់ពេលងូតទឹកអាច ដាក់ម្សៅចម្រាញ់ទៅក្នុងទឹក, មានឥទ្ធិពលថែរក្សាស្បែក និងធ្វើឱ្យអន់ស្ងួតស្បែក ។ ចំពោះអ្នកលេចចេញអាការៈ រមាស់ស្បែកនោះ មិនត្រូវអេះ ព្រោះ កាន់តែអេះនឹងកាន់តែរមាស់ កាន់តែរមាស់កាន់តែអេះ ផ្តើមពីនោះបង្កើតជាភាពរាលដាលនាំដល់រោគសញ្ញាស្កៀប, រមាស់អូសបន្លាយមិនបាត់ ។ ករណីធ្ងន់ធ្ងរអាចធ្វើឱ្យរបួសស្បែក បណ្តាលឱ្យកើតកន្ទួលរមាស់ ។ ពេលឃើញបាតុភូតរមាស់ស្បែកកាន់តែធ្ងន់ទៅៗ ត្រូវប្រញាប់ទៅជួបវេជ្ជបណ្ឌិតដើម្បីព្យាបាលទាន់ពេល វេលា ៕
0 comments:
Please add comment to express your opinion, and share it on Twitter or Facebook. Thank you in advance.