24hPlus

នាង Kim Ha Yul ជាតារាម៉ូដែល ល្បីឈ្មោះមួយរូបក្នុងចំណោម តារាល្បីៗជាច្រើននៅ ប្រទេសកូរ៉េខាងត្បូង ។ នាងកើតនៅថ្ងៃទី១៨ ខែតុលា ឆ្នាំ១៩៨៦ ។ បច្ចុប្បន្ន នាងមានវ័យ២៦ឆ្នាំហើយ តែរូបសម្រស់ដ៏ស្រស់ផូរផង់ពីធម្មជាតិរបស់នាង មិនចាញ់តារាវ័យក្មេង ជំនាន់ក្រោយឡើយ ។

យោងតាមគេហទំព័រ redflava ចេញផ្សាយថ្ងៃទី១១ មករា បានឱ្យដឹងថា ថ្មីៗនេះនាងបានបញ្ចេញនូវរូបថតសិចស៊ីជាច្រើនសន្លឹកបង្ហាញនូវម៉ូដសក់ខ្លី បញ្ចេញស្ទីលថ្មីសម្រាប់ឆ្នាំ២០១២នេះដែលមើលទៅគួរឱ្យគយគន់ និងចាប់អារម្មណ៍បំផុត ។

នាង Kim Ha Yul គឺជាតារាម៉ូដែលដែលមានប្រជាប្រិយភាពខ្ពស់ ហើយនាងក៏ជារាជនីបង្ហាញម៉ូដរថយន្តប្រណាំងផងដែរ ។ ទន្ទឹមនឹងនេះ នាងត្រូវបានប្រិយមិត្តអ្នកប្រើប្រាស់អ៊ីនធើរ ណេតទទួលស្គាល់ថា ជាស្រីស្រស់ស្អាតសម្រាប់ 2010 FIFA World Cup ជាមួយនឹងសម្លៀកបំពាក់ពណ៌ក្រហម និងត្រែបិសាច ខណៈដែលក្រុមបាល់ទាត់ជម្រើសជាតិកូរ៉េខាងត្បូង ត្រូវបានដាក់រហស្សនាមថា ក្រុមបិសាចក្រហម ៕