ភ្នំពេញ ៖ យុវជនម្នាក់បានបាត់បង់ជីវិតពេលដែលបញ្ជូនមកសង្គ្រោះនៅពេទ្យកាល់ម៉ែតចំណែកក្មេងប្រុសម្នាក់ទៀតដែលរួមដំណើរជាមួយត្រូវរងរបួសធ្ងន់បញ្ជូនទៅសង្គ្រោះនៅពេទ្យគន្ធបុប្ផាដោយសារតែពួកគេត្រូវរថយន្តមិនស្គាល់ម៉ាកបុកពេញទំហឹងពេលដែលកំពុងបើកម៉ូតូឌុបគ្នាឆ្លងកាត់ភ្លើងស្តុប(BKC)។
ហេតុការណ៍នេះបានកើតឡើងកាលពីម៉ោង១២ និង៣៥នាទីរំលងអធ្រាត្រឈានចូលថ្ងៃទី ២៣ ខែ មករា ឆ្នាំ២០១២ នៅចំណុចភ្លើងស្តុប BKC ផ្លូវ ១១០ កែងផ្លូវព្រះមនុវង្ស ក្បែរធនាគារកាណាឌីយ៉ាក្នុងសង្កាត់វត្តភ្នំ ខណ្ឌដូនពេញ។
ជនរងគ្រោះ២នាក់ដែលត្រូវរថយន្តមិនស្គាល់ម៉ាកបើកបុកបណ្ដាលឲ្យស្លាប់និងរបួសធ្ងន់នោះ ទី១. ឈ្មោះ គយ ចិត្ត ភេទប្រុស អាយុ២២ឆ្នាំ ជាសិស្សស្នាក់នៅផ្ទះលេខ៦២ ផ្លូវរថភ្លើង សង្កាត់ទឹកល្អក់១ ខណ្ឌទួលគោក(ស្លាប់) ទី២. ឈ្មោះ សីហា ភេទប្រុសអាយុជាង១០ឆ្នាំ (របួសធ្ងន់) កំពុងសម្រាកព្យាបាលនៅពេទ្យគន្ធបុប្ផា។ ពួកគេទាំង២នាក់ជិះម៉ូតូ ម៉ាក Step ពណ៌ញសលាយខ្មៅ ពាក់ស្លាកលេខ ភ្នំពេញ 1X-5524 ម៉ូតូត្រូវខូចខាតទាំងស្រុង។
សមត្ថកិច្ចមូលដ្ឋានបានឲ្យដឹងថា នៅវេលាម៉ោងកើតហេតុជនរងគ្រោះទាំង២នាក់នោះ បានជិះម៉ូតូម៉ាក Step បើកឌុបគ្នាធ្វើដំណើរតាមផ្លូវលេខ១១០ ពីកើតមកលិច លុះដល់ភ្លើងស្តុប BKC ស្រាប់តែមានរថយន្តមួយគ្រឿងបើកបោះពួយយ៉ាងលឿនធ្វើដំណើរតាមផ្លូវព្រះមុនីវង្សពីត្បូងមកជើងក៏បានបុកក្រុមជនរងគ្រោះប៉ើងបណ្ដាលឲ្យរងរបួសធ្ងន់ទាំង២នាក់ហើយរថយន្តនោះមិនត្រូវបានគេស្គាល់ម៉ាកទេព្រោះបើកគេចបាត់។ ចំណែកជនរងគ្រោះត្រូវបានគេបញ្ជូនទៅសង្គ្រោះនៅមន្ទីរពេទ្យ និងកាលម៉ែត គុន្ធបុប្ផា ប៉ុន្តែដោយស្ថានភាពជនរងគ្រោះឈ្មោះ គយ ចិត្ត ធ្ងន់ធ្ងរពេក មិនអាចជួយសង្គ្រោះបាន ទើបបាត់បង់ជីវិតតែម្ដង។ បច្ចុប្បន្នម៉ូតូជនរងគ្រោះត្រូវបានប៉ូលិសប៉ុស្ដិ៍វត្តភ្នំយកទៅរក្សាទុក៕ source
0 comments:
Please add comment to express your opinion, and share it on Twitter or Facebook. Thank you in advance.