បន្ទាប់ពីឈ្នះបានពានរង្វាន់ Grammy ចំនួន ៦ កាលពីពេលថ្មីៗនេះ តារាចម្រៀងអង់គ្លេសវ័យ ២៣ ឆ្នាំ Adele បានបង្ហើបពីគម្រោងដែលនាងនឹងសម្រាក ៥ ឆ្នាំពីពិភពតន្ត្រីដើម្បីផ្ដោតអារម្មណ៍ទៅលើទំនាក់ទំនងស្នេហារបស់នាង។
តារាចម្រៀងម្ចាស់បទ Rolling in the Deep ចង់ផ្ដោតអារម្មណ៍ និង ចំណាយពេលជាមួយមិត្តប្រុសរបស់នាង Simon Konecki ព្រោះថាកាលពីមុននៅពេលដែលនាងជ្រើសរើសអាជីពជាជម្រើសទី ១ វាធ្វើឲ្យស្នេហារបស់នាងឈានដល់ផ្លូវបែកបាក់។ ហើយនៅពេលសួរអំពីគម្រោងអនាគតរបស់នាង Adele បានប្រាប់ទស្សនាវដ្ដីអាមេរិក Vogue ថា “ខ្ញុំចង់សម្រាកពី ៤ ទៅ ៥ ឆ្នាំ។ ប្រសិនបើខ្ញុំនៅបន្តការងារជារឿយៗ ទំនាក់ទំនងរបស់ខ្ញុំនឹងបរាជ័យ។ ដូច្នេះ យ៉ាងហោចណាស់ខ្ញុំអាចមានពេលគ្រប់គ្រាន់ដើម្បីកត់ត្រាពីពេលវេលារីករាយមួយ។ ហើយមានស្នេហា និង មានសុភមង្គល”។
តារាចម្រៀងវ័យ ២៣ ឆ្នាំរូបនេះបានបន្ថែមទៀតថា “បន្ទាប់មកខ្ញុំមិនដឹងថាខ្ញុំនឹងធ្វើអ្វីបន្តទៀតនោះទេ។ តើគួររៀបការ មានកូន និង រៀបចំអាហារដ៏ឈ្ងុយឆ្ងាញ់?”។ Adele និយាយថានាងជាមិត្តស្រីដ៏ល្អម្នាក់ពីព្រោះនាងចូលចិត្តចម្អិនអាហារ សើចសប្បាយ និង រីករាយជាមួយការរួមភេទ។
Adele និង មិត្តប្រុសរបស់នាង Simon Konecki ក្នុងពេលចូលរួមកម្មវិធីប្រគល់ពានរង្វាន់ Grammy
គួររំឭកថានៅក្នុងកម្មវិធីប្រគល់ពានរង្វាន់ Grammy Award លើកទី ៥៤ ដែលប្រារព្ធកាលពីថ្ងៃ អាទិត្យ ទី ១២ ខែកុម្ភៈ ក្នុងឆ្នាំ ២០១២ នេះ Adele បានត្រលប់ទៅផ្ទះវិញជាមួយនឹងពានរង្វាន់ចំនួន ៦៕
ប្រភព & រូបភាព៖dailymail
0 comments:
Please add comment to express your opinion, and share it on Twitter or Facebook. Thank you in advance.