24hPlus

សុបិនរបស់ក្មេងស្រីតូចអាយុ៦ឆ្នាំម្នាក់ដែលកើតជំងឺមហារីកដ៏កម្របានក្លាយជាការពិតនៅថ្ងៃ Valentine’s Day បន្ទាប់ពីនាងបានជួប និង រៀបការជាមួយ pop idol របស់នាង Justin Bieber។

ក្មេងស្រី Avalanna Routh អាយុ ៦ឆ្នាំរូបនេះមានជំងឺមហារីកខួរក្បាលឈ្មោះថា ATRT ចាប់តាំងពីរូបនាងនៅជាទារកមកម្ល៉េះ និង ត្រូវព្យាបាលដោយសារធាតុគីមីជាច្រើនសារ។ សុបិនរបស់ Avalanna Routh គឺនាងចង់ជួបជាមួយនឹង Bieber ជាលក្ខណៈឯកជន។ ក្រោយមក Justin ក៏បានឃើញការស្នើសុំរបស់គ្រួសារ Avalanna Routh តាមរយៈបណ្ដាញទំនាក់ទំនងសង្គម Facebook។ ហើយនៅថ្ងៃ Valentine’s Day កាលពីម្សិលមិញនេះ តារាចម្រៀង pop ល្បីល្បាញ Justin Bieber បានធ្វើដំណើរពី Boston មកកាន់ទីក្រុង New York ដើម្បីសួរសុខទុក្ខដល់ Avalanna Routh។

នៅពេលសួរថា តើ Avalanna ស្រលាញ់ Bieber អស់រយៈពេលប៉ុន្មានឆ្នាំហើយ ក្មេងស្រីអាយុ ៦ ឆ្នាំរូបនេះបាននិយាយថា “៧ ឆ្នាំ អូ! ទេ ៨០ ឆ្នាំ”។ បន្ទាប់មក Justin បានសរសេរនៅលើគេហទំព័រ Twitter របស់គេថា “នេះគឺជាអំពើល្អបំផុតដែលខ្ញុំធ្លាប់ធ្វើ។ នាងពិតជារីករាយ និង មានអារម្មណ៍រំភើប” ក្រោយមកគេបានបន្ថែមទៀតថា “Mrs. Bieber ពិតជាញ៉ាំងខ្ញុំឲ្យអាណិតនាង”។

ម្តាយរបស់ Avalanna អ្នកស្រី Aileen និយាយប្រាប់ Today Show ថា “វាពិតជាអស្ចារ្យ វាជាសកម្មភាពមួយដ៏សប្បាយរីករាយបំផុត។ បន្ទាប់ពី ថ្ងៃពិសេសនោះបានបញ្ចប់ Avalanna ពិតជាដិតដាមជាមួយនឹង hero របស់នាង ដោយនាងបាននិយាយថា “ខ្ញុំស្រលាញ់ Bieber… baby baby(ជាបទពេញនិយមរបស់ Bieber) ” ។

គូស្នេហ៍ Justin Bieber និង Selena Gomez ពិតជាតារាចម្រៀងដែលមានចិត្តសប្បុរសពីព្រោះកាលពីពេលថ្មីនេះSelena បានទៅសួរសុខទុក្ខយុវតី Hana Hwang ដែលត្រូវប្រឈមមុខនឹងជំងឺដ៏កម្រមួយ genetic disorder (ជំងឺដែលមិនអាចឲ្យនាងធំលូតលាស់ខ្ពស់ដូចក្ដីសុបិន) ហើយ ឥឡូវមិត្តប្រុសរបស់នាង Justin Bieber ក៏បំពេញក្តីសុបិនឲ្យក្មេងស្រីដែលកើតជំងឺមហារីកខួរក្បាលអាយុ ៦ ឆ្នាំ Avalanna Routhផងដែរ៕