ភ្នំពេញ ៖ នៅពេលអនុញ្ញាតឲ្យលោក LI RUOGU ប្រធានធនាគារនីហរ័ណ អាហរ័ណ នៃសាធារណរដ្ឋ ប្រជាមានិតចិន ចូលជួបសំដែងការគួរនៅវិមានសន្តិភាព ក្នុងរាជធានីភ្នំពេញ កាលពីថ្ងៃទី ១ ខែ កុម្ភៈ សម្តេចអគ្គមហាសេនាបតីតេជោ ហ៊ុន សែន បានស្នើឲ្យលោក LI ពិនិត្យមើលគម្រោងចំនួន ៧ ដែលសុទ្ធសឹងតែជាគម្រោងហេដ្ឋារចនាសម្ព័ន្ធ និង គម្រោងធារាសាស្ត្រ ដែលភាគីកម្ពុជាបានលើកជូនភាគី ចិនរួមមកហើយនោះ។
លោក អ៊ាង សុផល្លែត ជំនួយការសម្តេចតេជោនាយករដ្ឋមន្ត្រីឲ្យដឹងថា សម្តេចនាយករដ្ឋមន្ត្រី មានប្រសាសន៍ថា មានគម្រោង ១ នៅក្នុងគម្រោងទាំង ៧ នោះ ជាគម្រោងអាទិភាពជាងគេ ដែល នោះគឺគម្រោងផ្លូវជាតិលេខ ៦ ពីថ្នល់កែវដល់ខេត្តសៀមរាប ដែលមានផលប្រយោជន៍ខាងសេដ្ឋកិច្ច ទេសចរណ៍ និង ជាគម្រោងផ្លូវមុខមាត់របស់កម្ពុជា ដែលសម្តេចនាយករដ្ឋមន្ត្រីបានស្នើឲ្យលោក LI ពិនិត្យផ្តល់អាទិភាពទៅលើគម្រោងនេះ។
លោកជំនួយការថ្លែងថា ដោយឆ្លើយតបនឹងសំណើនេះ លោក LI RUOGU បានថ្លែងថា លោកនឹងចាត់ទុកគម្រោងផ្លូវជាតិលេខ ៦ នេះជាគម្រោងអាទិភាព ហើយនឹងពិនិត្យមើលគម្រោងនេះ នៅពេលវិលត្រឡប់ទៅវិញ និង បានធានាអះអាងថា នៅក្នុងឆ្នាំ ២០១២ នេះនៅក្នុងគម្រោងទាំង ៧ ដែលបានលើកឡើងនោះនឹងមិនមានបញ្ហាទេសម្រាប់ការផ្តល់ជូនដល់កម្ពុជានោះ។លោក LI RUOGU បានជំរាបជូនសម្តេចនាយករដ្ឋមន្ត្រីថា ដំណើរទស្សនកិច្ចរបស់លោកមកកាន់ព្រះរាជាណាចក្រកម្ពុជា នាពេលនេះ គឺដើម្បីចុះហត្ថលេខាលើគម្រោងចំនួន ៣ ដែលនោះគឺគម្រោងផ្លូវលេខ ២១៤ ផ្លូវលេខ ៧៦ ខាងជើង និង គម្រោងប្រព័ន្ធធារាសាស្ត្រ។
លោក LI RUOGU បានរាយការណ៍ជូនសម្តេចតេជោនាយករដ្ឋមន្ត្រីថា មូលនិធិចិន-អាស៊ាន ដែលមានទឹកប្រាក់ចំនួន ៤ ពាន់លានដុល្លារសហរដ្ឋអាមេរិកនោះ ដើមឡើយមានកំណត់សម្រាប់ប្រ ទេសនិមួយៗលើកគម្រោងស្នើសុំ ប៉ុន្តែនៅពេលនេះគឺពុំមានកំណត់ទៀតទេ ដែលប្រទេសនិមួយៗ អាចលើកគម្រោងស្នើសុំបាន។លោក LI បានជំរាបជូនសម្តេចនាយករដ្ឋមន្ត្រីថា កម្ពុជាអាចលើក គម្រោងបន្ថែមដើម្បីស្នើទាកើទាញយកឥណទានសម្បទាននេះ។
លោក អ៊ាង សុផល្លែត ថ្លែងថា សម្តេចតេជោនាយករដ្ឋមន្ត្រីបានថ្លែងអំណរគុណចំពោះព័ត៌ មានពាក់ព័ន្ធនឹងការដកកំណត់នៃឥណទានសម្បទានផ្តល់ដល់ប្រទេសអាស៊ាននេះនិងមានប្រសាសន៍ ថា កន្លងមកកំណើនសេដ្ឋកិច្ចកម្ពុជាមួយចំណែកធំគឺដោយសារមានជំនួយរបស់ចិន ហើយបច្ចុប្បន្ន នេះ ហើយបច្ចុប្បន្ននេះកម្ពុជា ជាប្រទេសមួយ ដែលមានហេដ្ឋារចនាសម្ព័ន្ធទន់ខ្សោយជាងគេបំផុតនៅ ក្នុងអាស៊ាន ដូច្នេះសម្តេចបានលោក LI គម្រោងទាំង ៧ នេះ៕ source
0 comments:
Please add comment to express your opinion, and share it on Twitter or Facebook. Thank you in advance.