ហ្គាហ្សា៖ យោងតាមទីភ្នាក់ងារព័ត៌មានចិន “ស៊ិនហួ” ចុះផ្សាយនៅថ្ងៃទី១២ ខែកុម្ភៈ ឆ្នាំ២០១២ ថា យន្ដហោះចម្បាំងរបស់អ៊ីស្រាអ៊ែល បានបើកទម្លាក់គ្រាប់ នៅក្នុងតំបន់៤ នៅទីក្រុង ហ្គាហ្សា ប្រទេសប៉ាឡេស្ទីន បណ្ដាលឱ្យស្លាប់ពលរដ្ឋម្នាក់ និងរងរបួសចំនួន០២នាក់ ។
ប្រភពព័ត៌មានពីសាក្សី ដែលដឹងហេតុការណ៍នេះ បានបញ្ជាក់ថា ហេតុការនៃការទម្លាប់គ្រាប់ ដោយយន្ដហោះរបស់ចម្បាំងរបស់អ៊ីស្រាអ៊ែល គឺធ្វើឡើង នៅពាក់កណ្ដាលអធ្រាត្រ ថ្ងៃសៅរ៍ ទី១១ ខែកុម្ភៈ ដោយបង្កឱ្យមានមនុស្សស្លាប់ ០១នាក់ និងរងរបួសចំនួន០២នាក់ នៅភាគខាងកើត និងខាងត្បូង ក្រុងហ្គាហ្សា ។ ជនរងគ្រោះចំនួន០២នាក់ ត្រូវបានគេបញ្ជូនទៅកាន់មន្ទីរពេទ្យដើម្បីសង្គ្រោះ ។
សាក្សីបានបន្ដថា យន្ដហោះចម្បាំងមួយនេះ ជាប្រភេទយន្ដហោះរបស់អ៊ីស្រាអ៊ែល ឈ្មោះ អេហ្វ១៦ “ ធ១៦” យន្ដហោះនេះ បានបើកមកទម្លាក់គ្រាប់ ដោយមានល្បឿនលឿនស្លេវ គោលដៅរបស់យន្ដហោះនេះ គឺសំដៅមកលើក្រុង ហ្គាហ្សា តែម្ដង ។
សាក្សីបានបន្ដទៀតថា មិនមែនមានតែមួយគ្រឿងនោះទេ គឺមានរហូតដល់៣គ្រឿងឯណោះ ដោយបានទម្លាក់គ្រាប់ នៅក្នុងតំបន់ចំនួន៤ នៅក្នុងទីក្រុងនេះ ។ ម្យ៉ាងទៀត មានយន្ដហោះទី៤ ក៏បានទម្លាក់គ្រាប់នៅភាគខាងត្បូង នៃក្រុងហ្គាហ្សា ដែរ ។
គេបានដឹងថា មានផ្ទះចំនួន២ខ្នង ត្រូវបំផ្លាញទាំងស្រុង និងមិនមានសេចក្ដីរាយការណ៍ប្រាកដថា មានគ្រាប់រ៉ុក្កែត ចំនួនប៉ុន្មានគ្រាប់ ដែលយន្ដទាំងនោះបានហោះ ទម្លាក់នោះនៅឡើយទេ ៕
0 comments:
Please add comment to express your opinion, and share it on Twitter or Facebook. Thank you in advance.