គេហទំព័រ BGR បានឲ្យដឹងកាលពីម្សិលមិញនេះថា ក្រុមហ៊ុន Proview បានស្នើសុំឲ្យរដ្ឋាភិបាលចិនហាមឃាត់ការនាំចូល និងនាំចេញរបស់ iPad នៅក្នុងប្រទេសចិនទាំងមូលតែម្តង។
លោក Roger Xie មេធាវីតំណាងឲ្យ Proview បាននិយាយថា ពេលនេះ Proview កំពុងស្នើសុំឲ្យមន្ត្រីគយធ្វើការហាមឃាត់មិនឲ្យមានការនាំចូលផលិតផលដែលរំលោភបំពានស្លាកសញ្ញាពាណិជ្ជកម្មចូលក្នុងប្រទេសចិន ហើយក៏មិនឲ្យមានការនាំចេញដែរ។ រីឯអ្នកនាំពាក្យ Apple នៅប្រទេសចិនបានឲ្យដឹងថា Apple បានទិញសិទ្ធិលក់ iPad ពី Proview នៅក្នុង ១០ ប្រទេសហើយ ដែលរាប់ទាំង ប្រទេសចិនផងដែរ។ ប៉ុន្តែ Proview បានបដិសេធលើកិច្ចព្រមព្រៀងលក់នៅ ប្រទេសចិននេះ។
ទោះបីជាយ៉ាងណារឿងក្តីនេះមិនទាន់បានសម្រេចជាផ្លូវការនៅទឹកដីប្រទេសចិននៅឡើយទេ។ ប៉ុន្តែបើសិនជា Proview អាចធ្វើបានសម្រេចនៅប្រាកដជាមានផលប៉ះពាល់ដល់ Apple ខ្លាំង ព្រោះ iPad ត្រូវបានផលិតដោយ Foxconn នៅប្រទេសប្រេស៊ីល និងប្រទេសចិន។
គួររំលឹកផងដែរថា កាលបីថ្ងៃចន្ទកន្លងទៅនេះ អាជ្ញាធរចិនបានរឹបអូសយក iPad ប្រមាណ ៤៥ គ្រឿង ដោយធ្វើឡើងទៅតាមពាក្យបណ្ដឹងរំលោភស្លាកសញ្ញាពាណិជ្ជកម្មពី Proview៕ា
0 comments:
Please add comment to express your opinion, and share it on Twitter or Facebook. Thank you in advance.