ថ្មីៗនេះ Channel V របស់ថៃបានបង្ហាញចំណាត់ថ្នាក់បទចម្រៀងអាស៊ី Top 50 ប្រចាំឆ្នាំ ២០១១ (2011 Asian Music Top 50) ហើយជាលទ្ធផលក្នុងចំណោមបទចម្រៀងសរុបទាំង ៥០ មាន ៤៨ បទជាបទរបស់កូរ៉េ។ ក្រុមចម្រៀងជាច្រើនដែលជាប់មានដូចជា BEAST, JYJ, TVXQ, Super Junior, SNSD និង ក្រុមតារា K-pop ជាច្រើនទៀត។ ២ បទដែលនៅសល់មិនមែនជាបទកូរ៉េនោះគឺ បទចម្រៀងរបស់តារាតៃវ៉ាន់ Jay Chou ស្ថិតក្នុងចំណាត់ថ្នាក់ទី ៣៧ និងបទចម្រៀងរបស់ Wang Leehom ចំណាត់ថ្នាក់លេខ ៤៧។
ក្នុងចំណោមបទ Top 10 ទាំងអស់សុទ្ធតែជាបទរបស់ក្រុមចម្រៀងបុរសរបស់កូរ៉េក្នុងនោះ លេខ ១ បានទៅលើបទ “Beautiful” របស់ BEAST លេខ ២ “Ayy Girl” របស់ JYJ និងលេខ ៣ “Keep Your Head Down” របស់ TVXQ។ អ្នកជាប់ក្នុងចំណាត់ថ្នាក់ Top 10 បន្តបន្ទាប់រួមមាន Kim Hyun Joong, Super Junior, 2PM, GD&TOP និង CN Blue។
ចំណែកឯក្រុមនារីដូចជា SNSD ស្ថិតក្នុងចំណាត់ថ្នាក់ Top 24 បទ “Bo Peep Bo Peep” របស់ T-ara ជាប់លេខ ២១ និង បទ Ugly របស់ 2NE1 ជាប់លេខ ២៥។
ក្រុមចម្រៀងដែលមានបទជាប់ច្រើនជាងគេបង្អស់នោះគឺគ្មានក្រុមណាក្រៅពី ក្រុម Big Bang នោះទេ ដោយ បទ “Tonight” ជាប់លេខ១៦ “Love Song” លេខ ២៩ បទ “High High” របស់ GD&TOP ជាប់លេខ ៧ បទ “Baby Good Night” លេខ ១៣ បទ “Knock Out” លេខ ៤២ បទ “VVIP” របស់ Seungri ជាប់លេខ ៣២ និង ចុងក្រោយ បទ “Wedding Dress” របស់ Taeyang ជាប់លេខ ៣៤៕
ប្រភព៖ asianfanatics
0 comments:
Please add comment to express your opinion, and share it on Twitter or Facebook. Thank you in advance.