.jpg)
លោក Hooman Samani ជាអ្នកស្រាវជ្រាវវិទ្យាសាស្ត្រច្នៃប្រឌិតដ៏ឆ្លាតវៃមួយរូប នៅប្រទេសសឹង្ហបុរី បានផលិតឧបករណ៍បញ្ជូនការថើបពីចំងាយដែលអាចផ្ទេរ និងផ្ញើការថើបពីចំងាយដល់ដៃគូបាន។ ឧបករណ៍ថើបនេះ ហៅថា Kissenger។ លោក Hooman Samani បានរៀបរាប់ថា “ប្រហែលជាមួយឆ្នាំហើយ ខ្ញុំបានសរសេរអត្ថបទ ស្តីអំពីសិស្សសាលាជប៉ុនម្នាក់ ដែលបានធ្វើការពិសោធន៍ ដើម្បីស្វែងរកវិធីដែលមានលទ្ធភាពផ្ញើនូវការថើបពីចំងាយ។ ម៉ាស៊ីនពិសោធន៍របស់គាត់មើលទៅអាក្រក់ខ្លាំងណាស់ ហើយខ្ញុំបានគិតក្នុងចិត្តជានិច្ចពីទ្រឹស្តី ដែលគួរឲ្យចាប់អារម្មណ៍នេះ ប៉ុន្តែទ្រឹស្តីនេះ នឹងមិនអាចក្លាយជាការផលិតបានទេ”។ ឧបរកណ៍ Kissenger របស់លោកមើលទៅដូចជាជំនួញមួយដ៏អស្ចារ្យ ហើយអាចនឹងមានភាពល្បីល្បាញខ្លាំង ជាពិសេសនៅក្នុងបណ្តាប្រទេសអាស៊ី ដែលចូលចិត្តស្វែងរកបច្ចេកវិទ្យាដ៏ឆ្គួតលីលា ដែលមានប្រជាប្រិយភាព។ ឧបករណ៍ផ្ញើការថើបពីចំងាយរបស់គាត់ថ្មីនេះ គឺមានរូបរាងមូលទន់ដូចបាល់ ហើយមានទំហំតូច ព្រមទាំងមានបបូរមាត់សិប្បនិមិត្តពីរ ដែលមានថាមពលវេទយិត។ ស្តាប់ទៅដូចជាទំនងណាស់ សូមរង់ចាំមើលតើវាដំណើរការយ៉ាងម៉េចទៅ?។
តាមធម្មតា សម្រាប់ការថើបទាំងមូលនេះ មានមុខងារពីប្រតិបត្តិការ លោកអ្នកត្រូវការឧបករណ៍នេះ ចំនួនពីរ។ នៅពេលលោកអ្នកចង់ថើបមនុស្សជាទីស្រលាញ់នោះ ជាដំបូងឡើយ លោកអ្នកត្រូវដាក់ឧបរកណ៍នេះ នៅលើបបូរមាត់ ហើយបន្ទាប់មកធ្វើឥរិយាបថដ៏ល្អលើបបូរមាត់នោះ។ នៅខណៈពេលជាមួយគ្នានេះ ដៃគូរបស់អ្នកនៅទីឆ្ងាយ ក៏ធ្វើដូចគ្នានៅផ្នែកមួយទៀត ហើយឧបករណ៍ Kissenger ក៏ផ្លាស់ប្តូរចលនាបបូរមាត់របស់អ្នកផ្តល់គ្នាទៅវិញទៅមក ហើយហាក់ដូចជាការថើមពិតប្រាកដ។ គាត់និយាយថា “ខ្ញុំដឹងស្តាប់ទៅហាក់ដូចជាគ្មានអារម្មណ៍រ៉ូមេនទិកសោះ ប៉ុន្តែខ្ញុំគិតថា ការថើបតុក្កតាប្លាស្ទិកប្រសើរជាងអត់ដែរ។
ចំណុចមួយដែលខ្ញុំភ្លេចបង្ហាញគឺថា គ្រប់ពេលដែលលោកអ្នកធ្វើ សូមលាបជាតិសំណើមនៅលើ Kissenger ធ្វើដូច្នេះ នឹងធ្វើឲ្យកើតមានសំឡេងចម្លែងយ៉ាងខ្លាំង ដូចជាសំឡេងសត្វជ្រូកស្រែកអីចឹង។ ឥឡូវប្រសិនបើការថើបដោយឧបករណ៍នេះ គ្មានអារម្មណ៍រ៉ូមេនទិកទេ សូមសាកល្បងសិន”៕
0 comments:
Please add comment to express your opinion, and share it on Twitter or Facebook. Thank you in advance.